Og så levde de lykkelig alle sine dager...

Kan jo skulde på at det er grunnen til inga oppdatering på over tre månader! Og ja, me har det bra. Utruleg godt å vere gift! Har hatt ein travel sommar, og om mogleg ein enda travlare haust. Men me har det godt i lag, og gler oss over at me får dele alle dagane saman. Takkekorta er på veg, gjenstår "berre" litt skriving. Men dei kjem ut før jul, det har me lova både oss sjølve og andre. Har jo eit par månader på oss, så det bør gå bra.



Både jobb og privat går det fint, og me gler oss til ein Vestlandstur i slutten av november. Jula blir feira her aust, så då måtte eg ein tur "heim" før den tid. Merkar det er litt rart å vere så vaksen at eg ikkje skal feire i lag med mine næraste på Leknes. Samtidig er det veldig kjekt å tenke på at eg skal feire ilag med mannen min og familien vår her aust. Så kjem me jo sjølvsagt på ein romjulstur til Leknes. Har så smått byrja å tenke på julegåver, og det kan jo vere greitt med tanke på at dei kanskje bør vere i boks til den tid? Her ser de eit flott bilete av dei næraste der vest. Herlig gjeng!

Ha ein fortsatt god haust!

Og no er me gift!

Den 27.juni vart ein flott dag. Veret var nydeleg, gjestane vakre og me var veldig fornøyde. Og gifte blei me! Fekk tur til Samos i bryllupsgåve, så det var heilt topp! Var der i ei veke og kosa oss og slappa av. No er me tilbake i gamlelandet, til regn, regn og atter regn... Men men, får gjort litt inne i huset då!

Ikkje så mykje å komme med no, men tenkte at eg kunne legge ut eit par bilete frå den gode dagen vår.

12.dagar...

Om 12 dagar gifter vi oss! Tenk det! Det gjekk nok enda meir opp for meg i dag at det skal skje store endrigar i livet mitt om ikkje lenge. Eg pakka ned mesteparten av tinga mine på jobb (ein STOR jobb, sjølv om eg berre har jobba der i tre år...). Og eg rakk akkurat innom Diin brudesalong, eigentleg for å kjøpe sko, men så var kjolen kome i dag, så då fekk eg prøvd den og. Heilt fantastisk! Og veldig merkelig. Tenk at eg skal gå med den "på ordentleg" om berre 12 dagar! Merkar at eg gler meg meir og meir...

Har ikkje så mykje anna å seie i dag. Men livet er framleis bra, og eg har det heilt flott! Kun fire dagar til sommarferie!

Elisabeth

16 dagar att!

No om dagen føles det som om tida går veldig fort! Det er så mykje eg skal gjere og rekke, så eg skulle ynskje eg kunne få eit par ekstra timar kvar dag å gjere dei på (evt å sove på...er søvn eg kjenner at eg manglar mest!). Men midt i alt dette, klarar eg heldigvis å ta meg tid til å nyte det at eg snart er fru Steffensen! Og at det snart sommarfeire! Og at det snart er tid for den store dagen til meg og min kjære!

Så har eg lært av vise folk at ein ikkje skal leve for det som skal skje, men også for det som skjer! Leve i nuet, liksom. Så då kan eg jo nemne at eg er veldig glad for at eg akkurat har hatt besøk av mi kjære syster og forlovar. Ho lyste opp dagen min, som var litt mørk pga så altfor mykje å gjere på jobb. Eg kan også tenke på dei flotte 8-, 9- og 10-åringane eg møter på jobb kvar dag. Dei gir så mykje! Takk for flotte kollegaer som tar i eit tak ilag, og ikkje gir seg før alle er i hamn med den skriftlege vurderinga. Og ikkje minst: takk for den fantastisk flotte mannen som har lova meg at han vil dele livet sitt med meg, og som skal love det for heile verda laurdag den 27. juni.

Konklusjonen min i dag blir denne; Livet er veldig bra, sjølv om det er litt i overkant hektisk av og til. Og slik er det kanskje for fleire av oss?

Ha det bra så lenge!

Under ein månad att!

Dagane går så fort, samtidig som det ikkje går heilt fort nok. Gler meg veldig til å starte mitt "nye liv" på Ørje ilag med Arnt-Inge. Dei siste dagane har eg imidlertid vore sjuk, og det er ikkje noko særlig. Heldigvis er eg på betringens veg no. Prøver meg på jobb att i morgon.

Som mi kjære tante Nina kunne informere om i går; no er det ein månad til eg skiftar status frå frøken til fru. Spennande! Her er eit bilete til av det lukkelege paret :o) Kjekk mann eg skal gifte meg med!

Eg har tidlegare lagt ut lenker til ynskjelistene våre. Den siste, på Glass Thomsen, er no klar den også. Gå inn på glassthomsen.no, velg Brudeparets ønskeliste og så Innsyn ønskeliste. Då blir du beden om å skrive inn Id og Pinkode. Dei er som følgjer:
Id 6314
Pinkode 8221

Vi har også ei lita liste hos Kitch'n. Der kan du også bestille produkta via nettet, dersom du ikkje kjem deg i butikken :o) Gå inn på kitchn.no, velg overskrifta Bryllup. Her finn du ei side med fleire undertitlar. Nedst på sida står det Gjester og Finn liste. Så søker du på mitt eller Arnt-Inge sitt namn, og lista dukkar opp.

No er det nok ynskjeprat! Beklagar at det har blitt så mykje fokus på det, men folk spør oss stadig vekk! Og då kan det jo vere greit å få litt tips!

Ha ein god dag!

Det nærmar seg stadig!

No er det ikkje lenge att! Vi gler oss veldig, og ser at det er ein del vi må få i hamn før den store dagen. Heldigvis har vi gode hjelparar som bidrar til at det blir litt mindre å tenke på og å gjere for oss to. Denne helga har vi planar om å lage bordkorta ferdig, sjå på kyrkjeprogram og "festprogram" (har du innslag du vil kome med under middag/kaffi? Kontakt Sebastian (eldste son til Arnt-Inge, Oddvar (svoger) eller Reidar (ven som har ansvar under kaffien) Nummer/mailadresser skal vi sjå om ikkje vi får lagt ut her). I tillegg har vi gjort ein del ute i hagen i Moveien, slik at det ser nokonlunde fint ut også ute her, dersom nokon vil ta ein kikk på her vi bur/skal bu.

Driv også og tenker på blomar, borddekorasjonar og slikt, og det er ikkje så lett! Skal snakke med "blomster-Tone" på onsdag, så då blir nok alt bra på den fronten også. Ellers så har vi det fint, men travelt begge to. Mykje å gjere på jobb, og mykje å drive med utanom jobb. Godt mai er prega av langhelger!

Elisabeth

Ynskjelistene er starta på

Hei!
No har vi endeleg kome igang med ynskjelistene. Dei er ikkje heilt komplette enda, men det er mogleg å ta ein kikk, enten i butikk eller på nettet. For å kome inn på listene på nettet, treng du følgjande opplysningar:

Tilbords: gå inn på http://www.mittgavetips.no/ og skriv inn fornamn og etternamn på ein av oss. Trykk på namna våre som kjem opp. Du blir bede om å skrive eit gjestepassord, og det er emaais.

Christiania Glasmagasin: gå inn på http://www.bryllupslisten.no/ og velg knappen "Gjester". Også her blir du bede om å skrive inn gjestepassord, og det er steffensen.

Vi har også ei liste på gang hos Glass Thomsen, men den er så langt kun tilgjengeleg i butikken.

Neste oppdatering på bryllupsbloggen vår vil vere ein presentasjon av forlovarane våre. Ein flott trio som vi er veldig glade i og stolte over at vil vere våre hjelparar og vitner på den store dagen i juni. Som forresten berre er 52 dagar unna...

Ynskjer frå brudeparet...

Det har blitt tradisjon at brudeparet legg ut diverse ynskjelister i butikkar både på nett og lokalt i butikken. Sjølv om min tilkommande ikkje heilt likar å drive med slikt ("Det er liksom ikke så interessant...") så har vi planar om å snekre slike lister istand. I helga skal vi ut for å finne ut kva vi ynskjer oss. Det vil kome link til listene her på sida vår, og så kan du sjølvsagt finne den i butikken. Meir info kjem altså!

Så var det heile igang!

Hei du som les bryllaupsbloggen vår. Kjekt at nettopp du stakk innom. Kanskje er du ein av dei som dei siste dagane har mottatt invitasjon til bryllaupet vårt 27.juni?

På denne bloggen vil vi begge (trur eg...) skrive litt om det som skjer no framover. Og også oppdatere på diverse som handlar om bryllaupet (ynskjelister, praktisk info, planar vidare, bilete etc). Håpar at det er fleire som vil lese og kommentere litt etterkvart.

Vi to som skal gifte oss, gler oss i alle fall veldig! Tenk at vi snart er mann og kone! Herr og fru Steffensen :o) Fantastisk!